Aterran
os contornos perfectamente
delineados.
A escuridade,
os sons almofadados.
A soidade
da introspeción esteparia.
O bucolismo dunha
pradaría baixo a lingua.
A transición do coñecido
ao insondábel.
O fondo oceánico e os
seus segredos
Os esqueletos, as súas
mortes.
A area, as cinzas
dun lume extinto.
Penetrar
Nun horizonte de lucecús,
Invisíbel.
Saborear a liña,
dixerila
coa retina.
No hay comentarios:
Publicar un comentario