Clima:
verbo que respiro do teu
corpo.
Deuses da auga
abalanzándose sobre min
Morrer no intento de
descubrirte
descubrirte así
Tal e como és
Atisbarte branca e pura
En perfecta consonancia
-a perfecta conso(n)ante-
Tralos verdes sépalos.
Auga que me renova
E esperta ondas máis alá
Do intanxible
Máis alá dos nosos ollos
En contacto.
Máis alá do ceo,
Dos nosos pés arraigados
No máis profundo das
arterias.
Na terra
Porque tódalas noites
Bebo das túas vogais
doces
E creo asfixiar coas
Consoantes sibilantes
Anodadas nunha gorxa -de
marfil.
O corpo do alfabeto:
Digo alfa, e digo auga
O beta, pide beberte a berros
Lembrar as diferentes gam(m)as, tons testuras…
Das grafías eclosionando na
lisura do padal.
No hay comentarios:
Publicar un comentario