Un home de xeo
Coas veas quentes
Derrámase sobre
A neve do xardín
Estaba escuro
E ninguén o viu.
Pasou.
Pola mañá
O contraste das cores
Delata a evidencia.
Esmorece co vento
diluíndose no xélido
da néboa de decembro
Pasou
Ninguén o viu
Mais, pasou.
(Mentres, ao
outro lado do hemisferio…)
Un cangrexo
ermitán
Loita por
sobrevivir
Non ten
cuncha,
Levoulla o
vento
Emigrante
Que cada
noite sae
Deambula
polas praias
Sen rumbo
Esgótanselle
as forzas
E xa non é
consciente
Na area
xace derrubado
E mentres
dorme, soña
Que o peso
oprimíndolle
as costas
deixa de ser
Morre
Morre
decembro
_
Todo deixa
de ser
Cando a
auga
Non
reflicte nos cristais
Cando a
neve nos lembra
O que
fixemos
Se cada
paso
É unha
letanía
E
continuarte
Unha
fantasía.
No hay comentarios:
Publicar un comentario