Esquecerme das ratas
Que roían lenta e
paulatinamente
Anacos minúsculos do meu
Corazón enfermo.
Cambialas polo mel
Tenro e doce que
Gardas no derradeiro
Andel da despensa.
Esparexelo por todo
El.
Dende o ventrículo primeiro
Ata a derradeira aurícula.
E apagar tódalas luces.
Fundi-los plomos.
Á espera de sentir
O intre xusto no
Que os teus bicos
Esvaran ao contacto
Co mel candente.
E se funden nunha
Intensa explosión
Despedindo adrenalina
Que o alumea todo
Dende os teus vermellos
labios
Ata o último recanto
En penumbra.
E entón
Xa non serán ratas
As que acudan a roerme
O baleiro do meu corazón.
Aquel negro espazo
aberto ao exterior.
Non.
Serán…
Serán bolboretas estivais
Lambéndome a dozura
Apegada ás paredes
Deste órgano que palpita
Baixo as túas mans.
No hay comentarios:
Publicar un comentario