Todo un batallón de
formigas
De ollos cegos
Veñen a cubrir o meu
corpo
No verán
( Son o mel
Das abellas que
Non aprenderon a voar)
Síntoas arrastrando
Os seus pequenos corpos
Sobre a miña branca pel.
E eu
Tan só quero
permanecer aquí
Deitada sobre o chan
(tépedo.
Tan só quero
Permanecer aquí.
Para
Ser
Mentres as nubes
intanxibles
Me sobrevoen.
Mentres o ceo
Sexa azul.
Mentres todo isto
Teña algún sentido.
(para min)
No hay comentarios:
Publicar un comentario